Cäziz Aydin : ܟܳܗܢܶܐ ܕܰܐܪܟܰܚ ܐܝ ܩܪܝܬ݂ܐ / Kohne d Arkaḥ i qriṯo

Kohne d Arkaḥ i qriṯo

[ܚܙܰܝ ܐܝ ܟܬ݂ܰܘܬܐ ܕܕܰܝܪܳܝܐ ܓܰܒܪܺܐܝܶܠ ܫ̰ܰܬܝ ܕܒܝ ܡܓܰܠܬ݂ܐ ܕܩܳܠܐ ܕܛܘܪܥܰܒܕܝܢ ܕܷܛܒܝܥܳܐ ܒܝ ܫܰܬܐ ܕܰܐܬ 2000 ܒܝ ܕܰܝܪܐ ܕܡܳܪܝ ܓܰܒܪܺܐܝܶܠ܆ ܛܘܪܥܰܒܕܝܢ.] ܡܘ ܣܰܝܦܐ ܗܘܠ ܐܰܕܝܰܘܡܰܐ ܬܷܫܥܐ ܩܰܫܶܐ ܣܷܡܡܶܐ ܬܶܫܡܫܶܬܐ ܕܝ ܟܳܗܢܘܬ݂ܐ ܒܝ ܩܪܝܬ݂ܐ ܕܐܰܪܟܰܚ. ܐܘ ܩܰܫܳܐ ܩܰܡܳܝܐ ܕܒܷܬ݂ܷܪ ܡܘ ܣܰܝܦܐ ܕܟܘܕܥܝܢܰܐ ܩܰܫܐ ܕܝܡܶܛ ܐܘ ܐܰܒܪܐ ܕܩܰܫܐ ܫܰܡܥܷܢܘܰܐ. ܡܰܣܪܷܚ ܩܰܫܐ ܒܝ ܫܰܬܐ ܕܰܐܢ ܐܰܠܦܐ ܘܫ̰ܰܥܡܐ ܘܥܶܣܪܝ. ܐܰܕ ܝܰܘܡܰܐ ܐܘ ܟܳܗܢܐ ܕܟܳܚܳܝܷܪ ܥܰܠ ܐܝ ܬܷܫܡܷܫܬܐ ܕܝ ܟܳܗܢܘܬ݂ܐ ܒܝ ܩܪܝܬ݂ܐ ܩܰܫܐ ܐܰܦܪܶܝܡ ܝܐ. ܡܰܣܪܰܚ ܟܳܗܢܐ ܒܘ ܝܰܪܚܐ ܕܰܥ ܥܰܣܪܐ ܕܝ ܫܰܬܐ ܕܰܬܪܰܠܦܐ ܘܚܰܡܫܰܥܣܰܪ، ܒܝ ܥܝܬܐ ܕܡܳܪܝ ܐܰܦܪܶܝܡ ܘܕܡܳܪܝ ܬܶܐܘܕܳܘܪܳܘܣ ܕܝ ܩܪܝܬ݂ܐ. ܐܰܩ ܩܰܫܶܐ ܕܣܷܡܡܶܐ ܬܷܫܡܶܫܬܐ ܕܝ ܟܳܗܢܘܬ݂ܐ ܒܝ ܥܝܬܐ ܕܰܐܪܟܰܚ ܐܝ ܩܪܝܬ݂ܐ ܒܰܐ ܡܳܐ ܐܷܫܢܰܢܝ ܐܰܚ ܚܰܪܳܝܶܐ ܗܰܢܝܢܶܐ: ܩܰܫܐ ܕܝܡܶܛ ܐܘ ܐܰܒܪܐ ܕܩܰܫܐ ܫܰܡܥܷܢ. ܟ݂ܘܪܝ ܐܰܚܐ ܕܒܶܐ ܩܰܫܐ ܓܰܘܪܝܶܐ. ܩܰܫܐ ܫܰܒܐ ܐܘ ܥܝܘܰܪܕܢܳܝܐ. ܩܰܫܐ ܐܰܚܐ. ܩܰܫܐ ܠܰܚܕܐ. ܩܰܫܐ ܐܰܦܪܶܝܡ ܐܘ ܥܝܘܰܪܕܢܳܝܐ. ܕܰܝܪܳܝܐ ܩܰܘܡܶܐ ܒܝ ܕܰܝܪܐ ܕܡܳܪܝ ܡܰܠܟܶܐ. ܘܩܰܫܐ ܐܶܠܝܐ ܕܒܶܐ ܚܰܘܫܰܒ. ܘܩܰܫܐ ܐܰܦܪܶܝܡ ܕܒܶܐ ܡܘܩܣܝ ܠܰܚܕܐ ܕܐܘܥܕܐ ܟܳܣܳܝܰܡ ܩܰܫܘܬ݂ܐ.

SEDRA IV

Syriac Lexeme

About This Digital Text

Corpus Text ID:

https://surayt.bethmardutho.org/1512

Publication Date: July 13, 2020

Preparation of Electronic Edition:

TEI XML encoding by Anna-Simona Barbara Üzel .

Open Access and Copyright:

See details...

How to Cite this Electronic Edition

Aydin, Cäziz, “ܟܳܗܢܶܐ ܕܰܐܪܟܰܚ ܐܝ ܩܪܝܬ݂ܐ / Kohne d Arkaḥ i qriṯo”, in Shabo Talay (ed.), “Šlomo Surayt - Corpus”, last modified July 13, 2020, https://surayt.bethmardutho.org/1512.