Zakay Aydin: ܡܝܡܪܐ ܥܠ ܫܘܢܝܐ ܕܡܫܡܫܢܐ / Mimro cal šunoyo dë mšamšono
Mimro cal šunoyo dë mšamšono
ܩܰܝ ܟܰܝـܝܦܐ ܛܪܶܠܘܟ ܡܶܢܰܢ ܐܳ ܚܰܒܝܒܳܐ ܐܰܚܳܐ ܪܚܝܡܐ ܘܥܰܙܝܙܐ ܘܰܝܬ ܥܠ ܐܽܘ ܠܶܒܐ ܛܪܶܠܘܟ ܐܰܚ̈ܶܐ ܪ̈ܳܚܡܶܐ ܘܚܰܒܪ̈ܐ ܘܐܳܦ ܝܩܰܪܬܐ ܦܪܝܫܰܬ ܡܶܢܰܢ ܘܚܰܫܐ ܡܠܶܠܘܟ ܠܶܒܰܘ̈ܳܬܐ ܐܽܘ ܡܰܠܰܟܐ ܒܚܝـܦܐ ܪܒܐ ܘܰܒܣܘܪܗܳܒܐ ܘܰܕܠܐ ܪ̈ܰܚܡܶܐ ܡܚܶܠܶܗ ܐܽܘ ܓܶܪܐ ܘܟܰܠܝ ܐܽܘ ܠܶܒܐ ܠܰܝܬ ܦܘܨܳܝܐ ܡܶܐ ܩܡܽܘ ܡܰܘܬܐ ܘܠܳܐ ܫܘܙܳܒܐ ܛܠ̈ܳܝܶܐ ܘܥܠܰܝܡ̈ܐ ܓܡܰܘܒܠ ܘܢܳܩܠ ܩܕܳܡ ܡܶܢ ܣܳܒܐ ܐܰܒܘܢ ܟܳܗܢܐ ܘܰܡܫܰܡ̈ܫܳܢܶܐ ܘܥܰܡܳܐ ܡܗܰܝܡܢܐ ܚܙܺܝܢܳܝܶܢܰܐ ܥܰܠ ܦܘܪܫܳܢܳܟ ܕܠܰܬܘܰܐ ܒܙܰܒܢܳܐ ܚܰܫܐ ܘܓܰ̈ܡܶܐ ܐܳ ܚܰܒܝܒܐ ܡܠܶܠܘܟ ܠܶܒܰܢ ܘܰܕܠܐ ܡܶܢܘܟ݂ ܢܳܩܘܨܛܳܝܐ ܐܺܝ ܓܘܕܝܕܰܢ ܛܰܢܳܢܐ ܘܰܝܬ ܒܝ ܬܶܫܡܶܫܬܐ ܕܽܘ ܡܳܪܰܝܕܘܟ ܛܘܦܣܐ ܗܰܘܰܬ ܠܰܡܫܰܡ̈ܫܳܢܶܐ ܚܰܘܪܳܢܰܝܕܘܟ ܒܡܰܟܝܟܘܬܐ ܘܟܰܫܝܪܘܬܐ ܘܒܝ ܚܘܒܰܝܕܘܟ ܡܰܕ݂ܟܰܪ ܛܰܘܘܐ ܓܦܰܝܫܳܐ ܐܰܥܡܰܢ ܚܰܘܪܘܬܰܝܕܘܟ ܦܰܘܠܘܣ ܫܠܝܚܐ ܒܰܡܶܠܰܝܕ̈ܶܗ ܟܳܡܣܰܗܶܠܰܢ ܠܰܝܬܐ ܡܰܘܬܐ ܠܘ ܡܗܰܝܡܢܐ ܡܶܪܠܶܗ ܐܶܠܰܢ ܠܡܳܪܰܢ ܝܶܫܘܥ ܒܺܝ ܙܩܝܦܘܬܐ ܡܰܟܠܰܨܠܶܗ ܠܰܢ ܐܽܘ ܡܰܘܬܰܢܐ ܟܕܺܝ ܫܰܢܬܳܝܐ ܦܰܝܶܫ ܐܶܠܰܢ ܠܡܰܪܝܐ ܡܫܝܚܐ ܟܳܡܩܰܕܡܝܢܰܐ ܕܰܡ̈ܥܶܐ ܘܨܠܘܬܐ ܕܦܳܬܰܚ ܐܠܶܘܟ ܬܰܪܥܐ ܪܰܒܐ ܕܺܝ ܡܰܠܟܘܬܐ ܕܥܘܒܪܰܬ ܓܰܒܶܗ ܒܷܦܨܝܚܘܬܐ ܘܒܦܳܬܐ ܓܠܝܬܐ ܘܕܡܰܩܒܶܠܘܟ ܒܟܽܘܠܰܗ ܐܺܝ ܚܘܒܐ ܘܡܪܰܚܡܳܢܘܬܐ ܕܳܐܡܰܪ ܬܐ ܠܘܟ݂ ܐܳܘ ܡܫܰܡܫܳܢܐ ܕܙܰܕܝܩܘܬܐ ܟܰܫܝܪܐ ܘܰܝܬ ܒܰܦ ܦܘܠܚܳܢ̈ܐ ܕܺܝ ܡܝܰܬܪܘܬܐ ܠܘܰܫ ܐܽܘ ܟܠܝܠܐ ܕܙܩܝܪ ܐܶܠܘܟ ܒܝ ܟܺܝܢܘܬܐ ܥܒܰܪ ܘܡܝܒܰܣܡ ܥܰܡ ܣܰܝ̈ܶܡܶܐ ܕܰܛ ܛܰܘܘܳܬ݂ܐ. ܡܶܢܰܢ ܦܪܺܝܫܰܬ ܠܰܡ ܡܰܠܰܟ̈ܐ ܚܰܘܪܐ ܗܰܘܰܬ ܒܠܶܒܰܘ̈ܳܬܰܢ ܐܳ ܚܰܒܝܒܐ ܢܛܝܪܐ ܓܬܳܘܰܬ ܙܶܠ ܒܰܫܠܳܡܐ ܐܳܘ ܪܰܗܳܛܐ ܕܰܛ ܛܰܘܘܳܬ݂ܐ. ܠܰܒ ܒܘܣܳܡ̈ܐ ܕܝ ܡܰܠܟܘܬܐ ܫܡܰܝܳܢܝܬܐ. ܙܶܠ ܒܰܫܠܡܐ ܟܐܷܡܡܝ ܐܰܟ ܟܳܗܢ̈ܐ ܘܰܐܡ ܡܫܰܡܫܳܢ̈ܐ ܙܶܠ ܒܰܫܠܳܡܐ ܟܳܐܡܰܪ ܐܽܘ ܥܰܡܐ ܘܰܐܚ ܚܰܘܪܳܢ̈ܐ ܝܺܩܰܪܬܝܕܘܟ ܐܽܘ ܐܰܗܠܰܝܕܘܟ ܘܰܐܪ ܪܳܚܡܰܝܕܘܟ ܙܶܠ ܒܰܫܠܳܡܐ ܒܠܶܒܐ ܬܘܝܪܐ ܟܐܷܡܡܝ ܐܶܠܘܟ
